Ka National People’s Party (NPP) kawa yahkhmat ya ka sorkar ha ka jylla Meghalaya da pynsñiaw ko wa ym kheiñstiñ tangwa u chim kabu yei kylla ka saiñpyrthai ha ka jylla.
U Conrad K Sangma uwa man u National President ka NPP, uwa man leh u Montri Rangbah ka jylla da ong u wa ka Party ym chimstiñ ko yeini i kylla lada wan kawon kawon ka Party næ ki bru kiwa kammon kammon kiwa lai cha ka Party, tangwa ka NPP u paitbniah ko wei daw kreh chitom, wei dang pyrchang leh wow chim kabu yei long i man ha ka saiñpyrthai.
Ka Trinamool Congress wa khlieh da ka Montri Rangbah yong ka West Bengal, ka Mamata Banerjee da yoh ko wow psiah hapoh i saiñpyrthai ka jylla Meghalaya ha i sien wa nyngkong wei da man ko leh kattu ka seiñ wa boon tam ki MLA wa em ha ka Liang Pyrchah hadien wa ka kynhun hapoh i yahkhmat u Montri Rangbah warim uwa men leh u heh Congress u Dr. Mukul Sangma deilang wa 11 ngut ki MLA da pynbna ki wow lai pynyabi noh wa ka TMC.
