Shillong: Ka dhab ki montri ka sorkar Meghalaya Democratic Alliance (MDA) da chim ko ya ka rai wow dam noh u khrong san na ki jait mar wa mih ha khloo wa kynthup ya u saroo, sla tyrpad, siej, ki dieñ-thang, wa kiwi kiwi kiwa mih ha khloo.
Hawa yaklam hadien wa da kut ka yalang, u symbood montri rangbah, u Prestone Tynsong da khana u wa ka sorkar waroh chi kattu jooh khrong dan ko T.1000 chi truck na kini ki mar wa mih ha khloo.
Da ong u wa ha u snem 2018-19 ka sorkar da yoh ko T. 6.6 lak na kani ka dan, tangwa da sangeh noh yeini khnang wow myntoi ki warep.
Da ong u leh wa hanlada em i dooh ya ka sorkar, tangwa ka sorkar kwah ko leh wow yoo wa ku i yoh kiwa khayi khian.
Discussion about this post