U President ka Voice of the People Party (VPP), u Ardent Miller Basaiawmoit da ong u wa i pynlang pyrtuid ka sorkar ya kiwa yahkhmat ka Party ye u man wa da em leh u tharu wa da pynyang ya kiwa yahkhmat ka seiñ tangwa ym khuslai ki lada ka sorkar pynyang ko da u tharu uwa heh katwon katwon leh tangwa u yakhih bait ki.
Ka VPP kawa da sdang ya ka yakhih wow dawa pynbait thymme ya ka Reservation Policy wei wow bichaar biang yei pynkrehkaam ya ka Roster System hawa yabhah kreh, ynne ka sngi da pynman ko yei chong kyllaiñ myngngor ha ka thaw yieñ kari kawa em hajan ka Additional Secretariat.
Neiliang uwa yahkhmat wa ha khlieh dooh ka VPP da khut da wer paidbah u wa ha ka 19 tarik daw ap yei rai wa mih na ka yalang yong ki seiñ saiñpyrthai wa da pynkhreh da ka sorkar.
U Ardent da ong u wa lada ka rai ha ka 19 tarik ym ye ko wow pynhun ya ki paidbah, neiliang ka seiñ daw sdang biang ko yei yakhih da kiwa rap kor.
