Ki 3 ngut ki MLA kiwa da yut noh na ka Congress yow pynyabi noh wa ka NPP, da kam ki wa ka aiñ chah pyndam man MLA namo ka ka Anti Defection Law hapoh ka Tenth Schedule ym krehkaam ko pyrchah ya ki neidaw wa da pyntip cha u Speaker ka Yung Dorbar Chna Aiñ, hachwa wow poi ka chithi na ka Congress.
U Dr. Celestine Lyngdoh da ong u wa ka aiñ chah pyndam man MLA ym ktah ko neidaw wa ka chithi kawa da e ha u Speaker wow khana wa kwah psiah noh cha ka NPP, ka tarik man ko hachwa ka tarik wa ki 2 ngut chah beh seiñ ki.
Kam wow pynkynmoo wa ka Congress da beh seiñ ko hadooh 6 snem ya u MLA ka Mawhati, u Charles Marngar wa ya u MLA ka Nongstoin, u Gabriel Wahlang, ha ka 16 tarik uni u bnai, wei katkam wa khana u u Dr. Celestine Lyngdoh ki 3 ngut ki MLA dadep ki wow pyntip cha u Speaker ha ka 14 tarik uni u bnai chwa wow poi i pyntip na ka Congress wa da beh seiñ ya ki MLA.
Discussion about this post