Ym lai bait i krehkaam ka Easy Lottery ka Meghalaya hadien wa em kiwa yaleh mukotduma

Ka Easy Lottery ka Meghalaya kawa man kam ka Digital Lottery kawa da sdang ha u Naikhynde 2024 da maad ko ya u moochynthut neidaw ki kyndon aiñ.

U Montri Rangbah ka jylla, u Conrad Sangma da pyntikna u yeini deiwa ong wa hanla ym em pait u yei krehkaam ko man-ka-sngi tangwa da tip u wa neidaw wa man ko kawa nyngkong dooh kam kani hapoh ka ri wei deiwa pynemkaam dei stat ka juk wa katni da yooluti u man ko kawa khooid wei kawa ye u pynkylla dur yei pynman ya ka Lottery hapoh ka ri tangwa neidaw wa na kawi ka jylla cha kawi da em ki jar jiar ki aiñ da man noh kam ki moochynthut.

Da ong u wa da yooluti bha wa daw ye ko wow pynmih poisa ya ka jylla tangwa da em ki kynrum kynram hadooh wa em kiwa yaleh mukotduma wei da em leh ki por wa i rukom krehkaam namo ka System ym em krehkaam ko kamwa da booh da thmu.

Da ong u wa ki kaam wa yatoh wa ki aiñ da mih ki na kiwa boon kiwa leh kam kani ka jooh kiwa da em ha kiwi ki jylla kiwa da yaleh da ka mukotduma wei da yooluti u wa daw ye wow pynbait yeini ym slem de.

Da pynrap u wa i thmu toh wow pynman ya kani ka jait pynkhle nasib kawa khooid yow pynmih poisa ya ka jylla.

Chooh chooh da ong u leh wa ki aiñ heiyatoh wa kini ki kaam toh kiwa kyllaiñ bha heiwa ki jylla da em ki jar jiar ki aiñ tangwa kattæ leh kyrmen u wa kani ka kaam u lai ko chakhmat.

Kam wow pynkynmoo wa kani ka Easy Lottery da sdang ka deiwa dai ki Ticket kiwa Rs 5,000 kawi wei ka song poisa man ko Rs 50 klur wei yeini waroh u leh da ka Online.

Puræ leh: Sdang ka Meghalaya da ka Easy Lottery kawa Rs. 50 klur ka song poisa ya kiwa jop