Ka Cherry Blossom Festival 2024 kawa da toh u pynman ha ka 15 wa 16 tarik uni u bnai heiwa ha ka 16 tarik da booh wow wan pynkut da u Akon tangwa na ki daw wym ye u kiar da hap wow kylla tarik noh.
Kamtæ u Akon daw wan rwai noh u ha ka 15 tarik neidaw wa hap leh wow kyrriah tarik ya kiwi ki thaw wa daw lai rwai u kam chibynta ka Asia Tour u.
Neiliang kiwa pynman ya kani ka tamasa da pyntip ki wa heithaw u Akon ha ka 16 tarik daw won noh da ki Clean Bandit yow pynkut ya kani ka tamasa wei ini man i leh i sien wa nyngkong wa wan ki cha India.
Ki Clean Bandit toh kiwa em ki sur pawnaam bha kam i Symphony, Rockabye, Solo, CryBaby wei da man ki leh kiwa da jop Grammy Awards.
Kamtæ da pyntip wa kitu kiwa dadep thied kamjooh kiwa daw thied Ticket wym pynku dor ki wei ya kitu kiwa dadep thied Ticket neibynta ka 16 tarik, ye ki wow pynemkaam ka neibynta ka 15 tarik wei yeini ye wow leh deiwa lai ha ka BookMyShow wa RockskiTickets heiwa daw pyntip cha phi lyngba ki email, SMS wa WhatsApp iwa chong neiwon thied Ticket phi.
Discussion about this post