I rai wow pasi ya ka Nurse kawa na India iwa dadep booh wow leh ynne ka sngi tangwa da pynsangeh chipor, da sahteiñ i heiwa u Abdel Fateh Mahdi uwa man u payu u nong Yemen uwa chah tynyap, u Talal Abdo Mahdi da ong u wa ym maap ya Nimisha Priya kawa na Kerala.
Kiwa ha-yung uwa chah tynyap da klam che ki wa ym maap ki ya ka Priya deiwa dawa bait wow pasi ka wei u yieñ skem ki hajrong ini i rai katkam ka aiñ u Blai. Chooh chooh da ong ki wa da leh ko yei kaam wa khor bha wei ka yung ka sem yong ki leh da slem wa yakhun ki da ka aiñ yow yoh yei hok kamwa ka leh chim ko yei mynsien uwa ha-yung ki.
U payu uwa chah tynyap da ong u leh wa i pyrchang ka ri India wow yada wei wow pynlait ya ka Priya ym myntoi i neibhah i tynyap neitæ wow ah lyngkhot wei wow murieh yei metyap toh iwa klam che yei kaam sang wa da leh ko wei ini ymye de ki wow maap.
Kam wow kdaw heini, ka Nimisha Priya da tynyap ko ya u Talal Abdo Mahdi ha u 2017 uwa ya krehlang ko yow sdang ya kawi ka Clinic ha Yemen.
Ka Priya da kam ko wa da joor chah pyndik ko ha uni u bru uwa da chim leh ya ka Passport ko wei da e dawai ko ya oo dei thmu wow pynwiar yong bru oo yow thooh ya ka Passport ko tangwa da toh e ko dei dawa wa khlan hadooh wa yap noh u wei hadien ini deiwa yarap kawi ka bru da ah lyngkhot yei doh u wei da murieh hapoh kawi ka Top um wa em hapoh khyndaw.
Neiliang kiwa ha-yung ha-sem ka Priya da tyrwa ki da ka poisa kam ka Blood Money neibynta i mynsien uwa yap iwa ye u leh katkam ka aiñ Sharia ki Muslim yow yoh yei maap tangwa kamwa man kattæ ym pdiang yeini deiwa dawa bait wow pynyap ka kamwa su yei mynsien wa ki da dooh ki.
Discussion about this post