Ka DC ka East Khasi Hills District, ka RM Kurbah ynne da ong ko wa kiwon kiwon ki bru wa im haka imlang sahlang ki wym toh kiwa leh ya ki kaam wym man toh u liwan yung ki manda kieh 10:00 waje i miet heithaw wow uiñ cha wah chaneiñ hadien 10:00 waje i miet neibhah ym man i iwa chngaaiñ wow lai cha wah chaneiñ ki luti syngkieñ.
Da ong ko wa ka Section 144 CrPC u pynkrehkaam hadooh wa man biang kamwa toh u man hapoh ka sor Shillong.
Ka DC da kdaw ko leh ya kiwa boon iwa da jia wa i daw wa da pynman ya ka wow pynmih ya ka hukum wow phah khang lut ya waroh ki jait dukan kamjooh ki thaw baam hadien 10:00 waje i miet hanla da pyrkhat leh yeiwa ye u ktah ya kiwa uiñke suwari.
Kam wow pynkynmoo wa ka DC ynnin ka sngi da pynkrehkaam ko ya ka Section 144 hadien wa da mih boon i kulmar ha Shillong heipor miet nadooh ki yachoh yadat wa ki chah dung heiwa ini wa dep da chah thang leh ka kari pulit wa em ha pchem ka Laitumkhrah Police Station.
Kamtæ da ong ko wa ini waroh da ktah ko yei chongsuk chong saaiñ wei da booh ko hei maa ya kiwa lai wa wan.
Hachwa wow pynmih ya kai ka hukum, neiliang ka Dorbar Chnong Laitumkhrah da dep ki leh wow lai phah ya ki dukan, kiwa dai baam wow khang ki hapoh 10:00 waje i miet wei da kyntu ki leh ya ki bor District wow pynmih hukum hajrong ini wei da yachem ki leh ya u SP ka District kamjooh ya ka DC heiyatoh wa ini.
Discussion about this post