Jowai: Ka seiñ North East Indigenous People Forum (NEIPF) da beiñ joor ko ya ka sorkar Meghalaya yeiwa ym ye ko u chakri ya ki paidbah neibhah wym pait wym yoo ko yei chitom i saja wa chem ki tre ri kam i khang tih mooyong ka NGT hapoh ka jylla kattu la le snem tam.
Ka seiñ da ong ko wa boon kiwa imja na i khih mooyong nadooh kiwa mylla sngi hadooh kiwi kiwi heiwa da yoh myntoi ym du ki tre jylla tangwa ki bru ka thaiñ mihsngi wa kamjooh leh kiwa na ka Nepal wa ki bru ka thaiñ sepsngi kam na Rajasthan wa Bihar kiwa im na ka khayi mooyong.
Da ong leh wa boon ki manbei manpa wa chah ktah i lai skur ki khon ki neibhah wa ymye de ki wow su ya ka bai skur ki du neidaw wa khang ya i tih ya uni u marpoh khyndaw wei ki khynnah wa chah ktah ym du hapoh ka jylla tangwa kiwa lai puræ leh cha baar jylla..
Heijooh i por da ong ko wa ka sorkar lyngba ki Montri yong ka toh u yaklam ki deimiat næ hei yatoh wa ini i kaam iwa da ktah joor ya ki paidbah tangwa ki MLA ym nood ki wow leh yeini neibynta ka imlang sahlang.
“Hawa kyruiñ cha ki MLA na Jaiñtia ym nood ki wow klam neibynta ini i kaam” da ong u Chairman ka NEIPF u Marshall Biam.
Kamtæ ka seiñ da kyntu ko ya kiwa mihkhmat wow chimkhia ya ini i kaam.
(Feature Image-File Photo)
Discussion about this post