Ka Khasi Students’ Union South West Khasi Hills District , ynnin ka sngi da yachem ko wa u Montri ka chnat Puræ Puthi, u Lahkmen Rymbui yow wanrah ki kyndon dawa yow pyndap pynbiang yeiwa emkaam kiwa lai skur ka District.
Ka seiñ da ong ko wa hanla ka South West Khasi Hills District da em ko kattu la kamwa 10 snem tangwa dang duna ha waroh ki liang khamtam hawa yatoh waka puræ puthi heiwa boon da hap wow yaleh lane puræ ya ka Diploma in Elementary Education (D.El.Ed) ha Nongstoin, West Khasi Hills District. Wei hawa yatoh wa ini da dep booh ya u mooyurim ya ka Block Institute of Education and Training Centre wow chna ha ka chnong Sakwang nadooh u snem 2014-15 tangwa ini da sahteiñ hadooh katni.
Da dawa leh wow booh (Sanction) ya ki kaam sikai ha ki skur sorkar kiwa man kam ki Lower Primary kiwa da dep mynjur ka sorkar wow pynku kyrdan noh cha ki Upper Primary School kiwa kynthup ya ka Rangthong Nongbah Govt. LPS ka Nongummer Govt. LPS, ka Pyndenkseh Sepngi Govt. LPS, ka Mawranglang Govt. LPS, ka Rangblang Pombriew Govt. LPS, ka Phlangkynshi Govt. LPS waka Thangrai Govt. LPS.
Da dawa wow wanrah noh ya ka SSLC Centre ha thaaiñ Umdohlun, Wahkaji wa Phlangdiloin yow pynsuk ya ki khynnah kamjooh wow lai pait ya kiwon ki skur wa da emkaam wow pynchna kamjooh kiwa duna wa sikai.
Heiyatoh waka Residential School ha Shnongkalong, kamwa man kattæ i chna ya kani ka skur man i iwa sahteiñ wei lada ye u pynsmat u chna wei wow pyndep daw pynmyntoi ko ya kiwa boon.
Da kyntu leh wa hawa thung kreh ya kiwa sikai wow bood ya ki kyndon yong ka National Council for Teachers Education (NCTE) heiwa waroh nadooh kiwa thung chipor lane kiwa da thung pura toh u man ki kiwa da pyndep ya ka Diploma of Elementary Education (D.El.Ed), kiwa da pyndep ya ka Class XII (45% Aggregate) wei kiwa em leh ya ka MTET Passed Certificate. Wei kam ka seiñ ym pdiang ko ya kiwon kiwon kiwa sikai ha ki skur sorkar kiwa lai lait ya kini ki kyndon khang wa ka puræ puthi ha ka District wa kamjooh ha Mawsynram C&RD Block u ku i ha ki por ki snem wow wan.
