Ka sorkar Meghalaya da pynbna ko ynnin ka sngi wa nadooh ka 21 tarik uni u bnai u pdiang biang ya kiwa wan uiñke suwari chapoh ka jylla deiwa hap ki wow pynemkaam yaka Mobile App wa da pynkreh da ka sorkar wa kiwi kiwi yow yoh ya ka E-Invite yow yoh u psiah chapoh ka jylla.
Kam chibynta wow yada leh nei wan psiah da kiwa em ya u COVID-19 chapoh ka jylla, ka sorkar da booh kyndon ko wa hap wow wanrah yaka Certificate wa pynyoo wa da dep wow leh yaka COVID Test kawa man Negative namo wa pynyoo wa ym em chah ktah ha uni u khñiang.
Ya ki Test toh u leh 72 kynta chwa wow poi haka Entry Point wei u pdiang du yaka Test wa leh daka RT-PCR, TruNat wa CBNAAT.
Yaka Rapid Antigen Test (RAT) ym pdiang yaka lada kiwa psiah chapoh ka jylla kam kiwa uiñke suwari (Tourist) rah ki da ka Certificate wa da leh du ya kani ka Test.
Chooh chooh da ong wa kiwa wan ke lada em ki yaki dak ki chin wa yoh COVID-19, wow sñiawbha ki wow dam chwa u lai luti wei lada em ki leh yaka COVID Negative Report lada yoo hi wa em ki ya i dak i chin, daw hap Test yaki ha ki Entry Point.
Lada emkaam yarap, yei wow Message ha u Number 8132011037 da u WhatsApp lane SMS yow em kiwa phone kylla hapyrdi i por 10 waje i step hadooh 8 waje i miet ha ki sngi krehkaam.
