Ka All Meghalaya Tourist Maxicab Sumo Association (AMTMSA) da kyntu ko ya ka sorkar wow pynbait noh ya i yakhih wa da khut da kiwa kamai kari neidaw wa i doohnong man i cha ki paidbah.
U Martin L Nonglait uwa man u President ka Association da ong u wa ka Sorkar toh u pynbait noh ko ya i yakhih deiwa pynhiar noh ya ka dan na i dor Petrol neibhah katkam wa man katni, ki paidbah ym pdiang ki wow pynku ya i bai chong kari.
Da ong u leh wa i ku dor i phniang da wanrah i yei eh i khoo ym du ya kiwa yah kari tangwa nadooh ki paidbah kiwa mylla sngi, kiwa chong yaw wa kamjooh kiwa kreh sorkar.
U Martin da ong u wa lada pynku ya ka bai kari, daw ktah i ya ka muna poisa kiwa dooh, khamtam kiwa im wa chong wa sah ha ki thaaiñ palatsor, lada ym pynku won, ki tre wa kiwa yah kari kamai u doohnong ki neibhah wa i dor i phniang wa ka bai kari kawa chim hadooh katni ym yahaap de i.
