Ka HYC East Jaiñtia da pynsñiaw wei da klam che ko wa katwa ka sorkar ym pu ye ko wow wanrah da ki aiñ wa ye u kdoh u khoom yei psiah kulmar kiwa na baar kam ka ILP wei kat wym pu yoh ILP yow yada ya ka jaitbru nei wan tymmoh kiwa na baar, ym ye u pdiang ya ka luti rel ha Jaiñtia Hills.
Neibhah lada wan ka luti rel da sñiawthooh daw pynsuk ko ya kiwa na baar wow wan buhai chnong ha ka Bri u Ynñiawtrep lada ym em ka aiñ wa biang kam ka ILP.
Ka seiñ da e buit ko cha ka sorkar pyrdi wa sorkar jylla wow chna da u sarok Four Lane nadooh na Ratacherra chadooh Umiam khnang yow suk i lai i wan wei wow kit ya ki mar ki mata.
Ka seiñ da kyntu ko ya waroh ki MLA, ki MDC, ki Dolloi, ki waheh chong, ki seiñbhalang wa ya ki paidbah ka Ri-loom Jaiñtia wo yieñ yatylli lang ki yow pyrchah ya ka luti rel kat wym pu yoh ya ka ILP.
Kamtæ da dawa na ka sorkar India wa ka sorkar Meghalaya wow pynkrehkaam noh ya ka ILP kawa man ka laad yada ya ka jaitbru Ynñiaw Trep.
