U symbood montri rangbah ka jylla u Prestone Tynsong da pyntip u wa yaka Lockdown ha sor Shillong wa ki thaw wa em chajan ym pteiñ de yaka palat yaka 12 waje pyrdi synyaw ka 29 tarik.
Da ong u wa da chim ya kani ka rai hadien wai yoh yei pynsñiaw na ka DC waka chnat i chait i khiah, wei heijooh i por u pteiñ wei daw pynjoor chooh chooh yei leh yaka Random Test yaki paidbah deiwa pynemkaam daki Antigen Test Kit ha ki 71 tylli ki Cluster namo ki thaaiñ ka jylla kiwa da dep jied chwa.
Da pyntip u leh wa daw pynboon yaki bru ka chait i khiah ki wow leh ya ini i Test paidbah.
Da kyntu u leh yaki paidbah wa ym toh wow lehstiñ du neidaw wa da pyndam yaka Lockdown wei wow bood yaki kyndon ka sorkar kiwa da pynbna naki por cha ki por.
Heiyatoh waki Containment Zone/Area kiwa da dep pynbna, da pyntip wa kini u pteiñ hi ki katwa ym pu dep wow leh yeiwa emkaam, ym pu wai yaki.
Neiliang u DHS u A. War da pyntip u wa ha kini ki sngi wa em ka Lockdown da ye wow booddien ya 1180 ngut ki bru wei ki Test kiwa da yoh hadooh katæ ym pu em wa yoh ya u COVID-19. Da pyntip u leh wa i booddien dang pteiñ hi hadooh kattæ.
U Prestone da ong u leh wa ym pu tip wa lada daw hap pynboon lane pynduna ya kini ki Containment Zone tangwa da em kiwa da pynlait noh hadien wa dep wow leh ya iwa emkaam.
