U Symbood Montri Rangbah ka jylla, u Prestone Tynsong hawa pynbna ya ki rai wa da chim ka sorkar ynne ka sngi hadien wa da chah wow wai ki yungmane, da ong u wa ym pu em chim ya ka rai wow wai noh ya ki thaw puræ.
Da ong u leh wa ya i rai daw chim ha kini ki kajiak sngi wow wan wow wai noh ya ki thaw puræ.
“Ka sorkar dang bichaar ko yei wai ya ka jylla wer wer, wei ki paidbah toh u man ki kiwa syndong ya idæ deiwa ong wa ka laad yada kattæ toh du da i tika,” da ong u Prestone.
Hajrong i pynbaad ka Congress wa da sñiaw kutlaad ka sorkar wow yaleh pyrchah ya ka khlam, u Prestone da ong u wa ym kwah u wow ong iyi iyi leh tangwa neiliang ka sorkar da kreh ko wow pyntikna wa neibynta i chngaaiñ ki paidbah, wei ki Doctor wa ki Nurse ym em thiah ki hadooh katni kamtæ ham pyndooh mynsien, “To u ya krehlang i,” da ong u Prestone.
