U Lamphang ka Yung Dorbar Chna Aiñ ka jylla, u Thomas A Sangma da ong u wa kam u Chairman ka High Powered Committee daw chim ya ka rai wa khor wow pyntikna wa kani ka yung u chna pyndep smat noh ya ka.
Ynne ka sngi da lai pait u ya i kreh heiwa da synraan ya oo da u Chief Engineer ka chnat PWD (Building) ryngkat wa kiwi ki sahep ka chnat deilang wa ki Contractor.
U Thomas da ong u leh wa hadooh katni i pynwandur ya ka tnoom kyllung (Dome) wa thymme wa ka kamra pyrdi wow chong dorbar ympu mynjur hadooh kattæ, heiwa da ong u wa neiliang yong oo daw thoh u cha ka IIT Guwahati wow pynsmat u pynwandur (Design) deiwa thymme, wei kamjooh da pyntip u wa ha ka tayaw wow wan daw khut u ya ka Company Design Associates kawa pynwandur ya waroh kawi kani ka yung wei wow pynsmat ya ki kaam.
Da ong u wa neiliang yong oo daw pynthymme noh u ya ka High Powered Committee (HPC), wei hadien wa yachem daw ye u booh por ya ka Company wow pyndep ya i kreh waroh.
