U Montri wa pait ya i Kaam Pohyung hapoh ka jylla, u Lahkmen Rymbui da kyntu u ya kiwon kiwon kiwa tip iyi iyi hajrong i chah dat ki khynnah khynroo ha Golflink wow wan ki chakhmat wow yarap ya ki pulit khnang wow yoh kem ya ki damok wa emkti.
Ynne ka sngi, u Montri da beiñ joor u ya ini i jia, heiwa da ong u wa lada toh uwon uwon leh, ym em hok ki wow pynmynsoo ya kiwi, khamtam wow chim syndon ya i mynsien bru. Da phah u leh yei sñiawlem cha kiwa ha yung ha sem yong kiwa da chah dat dat ha ka 21 tarik uni u bnai, khamtam cha ka manyung u Pherlanroy Myrthong uwa da khlaad noh ha ka 28 tarik uni u bnai.
Hawa kylli, da pyntip u wa hadooh katni, ki pulit ym pu yoh kem ki tang uwi leh wa emkti ha itai i kaam damok, tangwa da pynsñiaw u yei kyrmen wow yoh kem noh smat hadien wa da thung ya ka kynhun takit wa kyrpang (SIT) wei da i ya krehlang kiwa chong chnong.
