Ym pu pdiang ka HSPDP ya i iehnoh kaam u Ardent ya ka kaam President

Shillong: Ka Hill State People’s Democratic Party (HSPDP) hadooh ynne ka sngi ym pu pdiang ko ya ka chithi iehnoh kaam yong u President rangbah kaParty, u Ardent M Bsaiawmoit.

Katkam ki khubor wa tikna na ka party HSPDP da ong wa hadooh ynne ka sngi ka Party ympu em yaklam ko hajrong kani ka phang hapoh ka Executive Committee Meeting ka Party wei ka chithi iehnoh kaam yong u Ardent hadooh ynne dang em ko wa u Vice President ka party, da ong u KP Pangniang.

Katkam ka khubor wa da yoh da ong wa ka HSPDP daw chong pyrkhat ko hajrong kani ka chithi iehnoh kaam u Ardent.