Ka sorkar Meghalaya ynne da chim chooh chooh ko ki rai yow yada nei ku smat kiwa yoh COVID-19 heiwa da ku 6 chah i yabi uni u khñiang ha kani ka la-ær wa ar wa katni wei kamwa 80% na kiwa dang yoh toh toh kiwa em ha Shillong.
Haka la-ær wa nyngkong, ha ki 114 sngi da em 665 ngut kiwa chah ktah ha ka khlam COVID-19 katwa ha kani ka la-ær wa ar ha ki 25 sngi da em 680 ngut kiwa chah ktah.
Kamtæ najrong wa phah khang ya ki skur ha Shillong 14 sngi wei yei wan kiwa uiñke suwari nadooh ka 23 tarik, da phah leh wa ki yung krehkaam ki bru samen kamjooh ki yong sorkar wow krehkaam ki deiwa em 50% ki bru kamjooh ki Hotel wa ki thaw baam. Kiwi ki dukan u wai ki deiwa bood ya ki kyndon.
Ym chah leh wow pynman ya ki yalang paidbah ha nongbah Shillong wei daw pynrkhiñ ya ki yung khawai bia wa i yap bru.
Neiliang u montri rangbah ka jylla hawa pyntip ya ini ynne ka sngi da ong u wa wa ka sorkar katni ym em thmu ko wow pynkrehkaam ya ka Lockdown, wei da kyntu u leh ya ki paidbah wow e yei ya krehlang yow lait nei pynkrehkaam deiwa phah khang sbak.
Chooh chooh da pyntip u wa daw pynjoor yei e dawai yada COVID-19 hapoh ka jylla deiwa kyrpaad ya waroh kiwa da em 45 snem chaneiñ wow chim ki ya ini i dawai tika.
