Jowai: Ha Ksan ynne ka sngi naka krem mooyong wa em kiwa chah kset iwa da chem leh ya iwi i metyap, kiwa ngam um ka Indian Navy dei ya krehlang wa ki dkhot ka NRDF da pyrchang ki wow sai ya ini i metyap nadooh 11 waje i step deiwa pynemkaam ya ka kor ROV wei hadooh wa pynmih ya ka khubor ym ye u sai ya ini i metyap neidaw wa sahkut i chwa wow ye u sai ki cha lait.
Ha iwi tawon i liang, ynne ka sngi ka Fire Service Odhisa da pynkrehkaam ki ya ki Pump 6 kynta nadooh 11 waje i step hadooh 5 waje i janmiet wei da sai 540000 liter ka um.
Ka CIL won dang pteiñ ko wow taan um na ki ar tylli ki krem mooyong warim wa em hajan wei da leh ya ini 32 kynta nadooh ynnin ka sngi wei da sai 3515400 liter ka um.
Neiliang ka Company KSB won da taan um ko 20 kynta nadooh 8:30 ynnin i meit hadooh 5 waje ynne i janmiet waroh da sai 3960000 liter ka um.
Discussion about this post