U Montri Rangbah ka jylla, u Conrad Kongal Sangma da ong u wa ym pu yoh yutip u yei emkti ki seiñbhalang hawa yatoh wa i tympdung Bomb ha Khyndailad, iwa da jia ha i janmiet 30 tarik u bnai wa dep.
Hadien wa jia i pdung Bomb IED ha Khyndailad, da mih leh ha ki laad pathai khubor wa na i takit da pynbaad wa kawi na ki seiñbhalang wa paaw ha ka jylla da emkti ko, tangwa yeini hadooh katni ym pu ye wow pynsakhiat.
U Montri Rangbah da ong u wa hadien wa da yoh ya ka bui namo ka Report wa pura daw ye wow ong iyi iyi lada toh iwa sakhiat namo ym toh wa emkti ki seiñbhalang.
Ha i jooh i por u Conrad da pynsñiaw u yei sñiawkhia yei chem wa ki khynnah khynroo wa emkti ki ha kam kini ki kaam, heiwa da ong u wa neiliang yong ka sorkar daw pyrchang ko wow wailaad ya ki khynroo, khamtam deiwa em ka Youth Policy.
