Ka chnat Health & Family Welfare Department da pynbna ko wa neidaw wa duna ki bru wa wan cha ki thaw sumaar (OPD/IPD/PHC/CHC) kamjooh ki thaw sumaar ki bru samen neidaw wa Test ya kiwa wan cha kini ki thaw kam chibynta wow yada nei poor ka khlam COVID-19.
Hajrong ini ka chnat da ong ko wa ini i Test toh iwa da yarap bha wow chem ya ki wym tip toh kiwa rah ya u khñiang tangwa da pyn artatien wei pyntieñ ko ya ki paidbah wow wan chakhmat yow phah sumaar yeiwa emkaam ki.
Kamtæ da pyntip cha waroh ki DC wa du ki bru wa em ya ki dak ki chin wa chitom (Symptomatic) toh u Test ha ki PHC/CHC wa ki thaw sumaar ki bru samen katwa ya kitu ki wym em ki dak ki chin wa chitom (Asymptomatic) ye wow Test lada kwah ki.
Ya kitu kiwa wan ki thaw wa em boon kiwa yoh ya u khñiang wa na ki Containment Zone da sneiñ wa toh u Test ya ki yow yada nei poor chooh cooh u khñiang.
Kamtæ da ong wa waroh ini toh u kheiñ wa phah leh dei mon sñiawbha wei ym toh deiwa pynbor neibhah hap pyrkhat wa emkaam waroh u yoh yei sumaar wow wan ki chakhmat ym toh u tieñ ki wow yoh yei sumaar wa emkaam ki.
