Jowai : Ynne ka sngi kiwa kitkaam chirup wa ki dkhot ka Jaiñtia Tourism And Environment Society (JTES) da yachem ki wa kiwa thoh khubor da pyntip ki wa ka seiñ da lai booh dorkhat ko ha u Director ka tnat Tourism Department.
Ha ka dorkhat ka seiñ da ong ko wa da pynman ko ya ka Discover Jaiñtia kattu la chiphaw sien (nadooh u 2006) wei ka thong yong ka wow pynman ya ka da man ko kawa jop.
Heijooh i por da ong wa neini chaphrang ka seiñ ym pynman de ko ya ka Discover Jaiñtia wei lada ka tnat Tourism kwah ko u pynman ya ka ye hi ko u chimkti wow pynman ya ka kamwa jooh leh ka tnat ha kiwi ki bynta ka jylla.
U president ka seiñ u ma P. Lyngdoh da ong u wa ka seiñ daw pteiñ hi ko u kreh wow pynku ya ki thaw uiñke sawari kiwa boon kamwa da leh ko ha ki snem wa da lai tangwa da kiwi tawan ki rukom.
Ha kani ka sngi ka seiñ da pyllait ko ya ka kot Jaiñtia Hills – Nature’s Own Land kawa thoh wei da booh ya ki dur ki thaw uiñke kiwa em ha kylleiñ ka ri-loom Jaiñtia.
Da pyntip wa ya kini ki kot u saam mynkna, wei daw booh ya ki ha ki thaw waphær waphær kam ha Guwahati, Shillong wa kiwi kiwi ki sor yow yoo ki paidbah yei miat wei yoosuk ki thaw cheini kiwa ye u riñ ya kiwa uiñ sawari cheini.
Discussion about this post