Shillong : Ka yungbichaar yong ka NGT ha New Delhi ynne ka sngi chong ko heiwa da rai ko wa ym e por de ko ya kiwon kiwon yow su Royalty wei kamjooh leh u challan mooyong nadooh ka 15 tarik yong uni u bnai.
Da ong kani ka yungbichaar wa ym pdiang de ko ya kiwon kiwon ki application yow e por u pyllut dai ya u mooyong wa dang sah hadien lada ym ye u pyllut noh ya oo hapoh yong ka 15 tarik uni u bnai.
Kamwow pynkynmoo ka sorkar katkam i pyntip u Ranjan Mukherjee uwa man u muktiar ka sorkar jylla (Counsel for the state government) da ong wa ka sorkar thmu ko u paan por hadooh ka 30 Naiynru (June) yow su ya ka Royalty wei yow pyllait hadooh ka 31 tarik yow kit yow challan ya u mooyong wa dep tih, neibhah ong ka sorkar wa dang sah sa 30 Lak metric ton u mooyong wa chong dor T. 1400 klur.
Da phah leh ya ka sorkar Meghalaya yow e ko ya ka report wa kammon u leh ko ya u mooyong wa dang sah neibhah man u wa da tih beaiñ nadooh kitu ki por wada dep.
Kattu ka NGT u chong bichaar sadu yei rukom tih ya u mooyong (Mining Plan) hadien wa hun wa i rukom tih ya u mooyong ym ktah de i ya ka rymaw khamtam ki um ki wah daw pyllait won yei tih mooyong.
Discussion about this post