Jowai : Ka surok wa lai cha Chnongpdeng lyngba ka chnong Darang ym slem de da siang psiang ya ka kamjooh leh u pyndep noh ya ka yingkeiñ khyndaw bilat (RCC Bridge).
Kamwa man kattæ dang sah du u siang psiang donhi ya uni u surok.
Kani toh ka khubor wa bha ya kitu wa kwah u lai cha Chnongpdeng neibhah kani ka surok ka wa man chibynta ka Jowai-Amlarem-Dawki Road da sdang pynchna ya ka nadooh ka tayaw wa ar yong u Khonchonglad (November) 2015 hei lut kamwa T2.99 klur.
Kani ka surok toh wa jrong 3 Km nadooh wa khlad na surokbah NH-44 (E) hadooh ha Darang ka wa em leh ya kawi ka yingkieñ wa jrong 16 meter.
Da yooluti leh u pyndep noh ya i siang psiang kamjooh leh ya ka yingkieñ ha uni u Naitung (April).
Ini i yutip da yoh hei yachem wa u WYRTA wa u Executive Engineer ka PWD (Jowai South Diviaion) u ma M. Nongpluh ha kini ki sngi wa da dep.
Discussion about this post