Jowai : Wa joor ware i khynnia ki sarok hapoh Jowai neiliang ka sorkar da thooh ko ya ki laad ki luti wow pynkyllooid ya ki sarok deiwa chna chwa ya ka Imtermediary Jowai Bypass.
U Imtermediary Jowai Bypass toh uwa na Lad Nartiang uwa lai na Riatmuleiñ wei mih u ha Yingkieñ Myntdu uwa da pyllai ya ki kari heh kam ki Truck.
Kattu won sam kyllooid chooh u sarok ha Jowai manda dep ya u sarok Jowai Bypass.
Uni u sarok toh uwa na Soomer wei mih u ha Thadlaskeiñ, Mukhla.
Ya uni u sarok da toh u pyndep ha ka 21 Thohlakhmi 2015, tangwa da slem won u pyndep ya oo neidaw wa slem u pyllait ya ki kot ki sla hei yatoh wa uni u sarok.
Boon hi ki kaam ha uni u sarok da man ki kiwa da dep kam ka yingkieñ wa jrong 70 meter, ki kynroh wa kiwi kiwi, wei dang sah sa du kattu katni bynta hei wow siang psiang ya oo.
Uni u sarok jrong u kamwa 7.9 km wei da dep siang psiang la kamwa 6 Km. Yooluti leh wow pyndep ya oo hapoh uni u Naisaphra.
Discussion about this post