Ym slem de daw yoh kor MRI ha Jaiñtia Hills

Ka Jaiñtia National Council Western Zone hapoh i yahkhmat u President yong ka, u Hamehi Bamon da lai yachem ki wa ka Dr. J.S. Momin, Director of Health and Services (MI) yow lai e dei thoh yow pynbiang ya kiwa kreh ha ki CHC wa PHC khamtam ya ki Doctor Specialist kam ki Doctor wa toh u pait ya ki kynthai (Obstetricians and Gynaecologists) khnang u yoh ki u sumaar ha ki CHC neibhah ki thaw sumaar kam ki thaw  pooid (OT) da em chwa kamjooh leh ya ki Doctor khynnah (Paediatricians) wei da emkaam u pynboon leh ya ki Doctor wa ki Staff Nurse.

Ka seiñ da dawa ko leh wow pynbiang ki dawai, ki Test kiwa man katkam ka juk kawa kattæ kam ka X-Ray, ki Blood Test, ki USG wa kiwi kiwi de.

Ka Dr. J.S. Momin da ong ko wa kwah hi ki u thung ya ki Doctor kiwa man ki Specialist yong ki kynthai ha waroh ki CHC wa PHC tangwa duna kiwa puræ ya kani ka laiñ iwa man i daw wa chem chitom ki wei da pynbiang katwa ye wa lah dooh ha ki District Hospital kam ha ka MCH. Da ong ko wa kattæ em hi ki Doctor kiwa da phah puræ Diploma ki cha Chennai kamwa 6 bnai wei wa manda wan ki daw phah ki cha ki FRU (First Referral Unit) wa cha ki CHC, PHC hanla ym man ki kam ki Specialist tangwa yei ki u pait u sumaar ya kiwa kha khon.

Heiyatoh wa ki dawai, da ong ko wa hei yongsakhiat emkaam u chimkhia kitu kiwa kreh kiwa toh u pait ya ki dawai ha ki CHC wa ha PHC wow paan na ka MMDSL (Meghalaya Medical Drugs and Services Limited) katwa neibynta ki Test waphær waphær leh daw pyrchang ki wow pynbiang.

Ka seiñ da lai yachem ko leh wa u Montri wa pait yei chait i khiah, u Wailadmiki Shylla wei da e ha oo leh yei jooh i thoh.

U Montri da ong u wa neiliang ki Doctor katkam wa man kattæ da sdang ki wow pynpsiah kamwa 150 ngut ki wow thap cha ki CHC wa PHC.

Related posts

₹20 lak e yarap u Conrad cha ka Nartiang Presbyterian HS School hei pynkut lehkmen dap 50 snem

December 9, 2025

Kyrchaan ya ki kynthai kyrchaan ya ka jaitbru

December 9, 2025

Heiyatoh won wa ki dawai wa jooh duna kamjooh ki tiar ki tar wa kiwi kiwi, ya kini leh daw pynbiang ki wei daw phah pait bniah bha ki.

Da pyntip u wa daw booh leh ya ka kor MRI ym slem de ha Jaiñtia Hills heiwa da yaklam wa ka Company wow pynpoi ko ya ki tiar ki tar wei yei thaw leh dadep wow pynyoh.