Shillong: I man i long ka kaam saiñ pyrthai ha West Shillong Constituency da pynkhih ko leh ya kiwi ki seiñ ha ka jylla heiwa ka Khun Hynñiewtrep National Awakening Movement (KHNAM) da pynsñiaw ko yei mynsien wa khia yeiwa da jia ini iwa dadep.
U working president ka KHNAM, u Adelbert Nongrum ha ka khubor wa pyllait u da pynsñiaw u yei mynsien wa khia neibhah da hiar dor i kaam saiñ hima kamwa jia ha West Shillong Constituency.
“Man i iwa sñiawsih wei iwa sarom hakhmat ka pyrthai neibhah ka kaam saiñ pyrthai man ko kawa kyrpang wa kawa kyntang hakhmat u bru wa u Blai, wei lada man i du kiwa paitke ym slem de ka Shillong West daw man ko kam ka Bihar” da ong u Adelbert.
U Adelbert da kyntu u ya ki paidbah wymhoi u man ki du kiwa paitke du wow yoh myntoi u bru samen wei da ong chooh chooh u “Ki paidbah da kylla man ki kam ki phlang wa yoh ki hati u kyrtem katwa ngait hawa yachoh ki”.
U MDC ka Jaiaw da ong u wa ki paidbah syir mynsien ki wei ka KHNAM daw lai ko cha ki paidbah wow e ki ka luti kam ya u khnam wow siat yeiwa sih khnang wow yoh ki yei laitlooid wa pura.
Da ong u leh wa ka party daw lai ko cha ki paidbah ka Shillong West wow paan na ka u kyrtong ha kani ka election 2018 wei wow pynche ya ki yurim wa ka seiñ yieñ ko.
Also Read: Chah kem uwa kyrchaan warim u Paul Lyngdoh hei yatoh wa i pakhot petrol bomb
Discussion about this post