Shillong: U Symbood Montri Rangbah ka jylla, u Prestone Tynsong da ong u wa ka sorkar daw rai ko hapoh ka kynhun Montri (Cabinet) kawa daw man ha kini ki kajiak sngi yow chim rai hawa yatoh wow pynman yaka Election MDC ha Garo Hills Autonomous District Council (GHADC).
U Prestone da kyntait u wow ong lada ye wow pynjrong chooh chooh yaka samoi krehkaam yong ki MDC ha GHADC, deiwa ong wa hadoooh kattæ ym pu ye wow ong iyi iyi hadooh wa chim rai da ka Cabinet hadien wa liwan u Montri Rangbah, u Conrad K Sangma na Garo Hills.
Kam wow pynkynmoo wa ha ki kajiak tayaw wa da dep, ki MDC kiwa em ha ka liang synchaar ha GHADC da phah ki da i thoh cha u Montri Rangbah ka jylla u Conrad K Sangma wow kyntu ya ka sorkar wow pynjrong biang ya ka samoi krehkaam ka yung dorbar ha GHADC wa katni.
Ha i jooh i por u Prestone da ong u wa ka yung dorbar wa katni yong ka GHADC daw kut noh ka samoi krehkaam haka 15 tarik uni u bnai tangwa chwa ya ini, ka sorkar daw chim ko yaka rai la ha iwon iwon i dur.
