Ka Jaiñtia National Council (JNC) haka kyrwoh wa da phah da pynsñiaw ko yei wym sñiaw yahaap yei chah kawang Petrol Bomb i yung u Sniawbhalang Dhar uwa man leh kam u Symbood Montri ka jylla ha ki bru chim kabu.
Ka seiñ da pynsñiaw ko leh wa katni da sdang dooh i yei ya tipmitlang wa i sñiaw para i hapoh ka Bri u Ynñiawtrep deiwa pynrap wa waroh ki bru em ki ka hok wow pyrchah næ wow booh iwon iwon i dawa naka sorkar ya jar jiar iwa emkaam hadooh ki kaam wa tlot ko tangwa u leh won dei kaam hadoooh wow ktah yei yung wa sah uwon uwon toh ka wym ye u pdiang neibhah ha kawon kawon ka yung em ki khon ki kti, ki payau para wei kiyi wow kitkhlieh lada jia iyi iyi ya ki.
Ka seiñ da pynkynmoo ko leh wa ka jylla yong i toh kawi na ki jylla wa tip kam ka jylla wa Tip Bru Tip Blai hanla em leh heini heitai wa jooh ya tyngkhooh wa ki bor yong ka aiñ hajrong kiwa boon ki phang nadooh ka Them Metor iwa hadooh katni ym pu ye ka sorkar wow kyrriah ki, neitæ ki BSF ha East Jaiñtia Hills kiwa ha kini ki sngi da yoo wa da pyndik ki yaki paidbah wa kiwi kiwi ki phang, tangwa wow chim yaka aiñ ha kti yong idæ ym yahaap khamtam haka imlang ka sahlang iwa da pynsihdur leh yei chongsuk chongsaaiñ.
Neiliang ka seiñ da kyrpaad joor ko ya ki paidbah wow man kiwa jai-jai wei wow man leh kiwa yakhun dei bor i stat wei chemphang, deiwa kyntu leh yaka sorkar wym toh u pynchrai yaki paidbah wei wow leh yeiwa toh wa iwa emkaam neibynta i bha i biang ki paidbah.
Discussion about this post