Ym sñiaw ye ngait ka bei u khynnah wa 13 snem | Ong ko i kha u toh iwa da em chwa da slem

Ka bei yong u khynnah wa 13 snem uwa da suba emkti hei yap noh ka Insaphira Lyngdoh Mawnai, da pynsñiaw ko yei wym ye ngiat wa u khon ko u emkti u ha ini i kaam.

Da ong ko leh wa ya tipmit hi wa kiwa ha-yung ka Insaphira wei da jooh ya lai ke hi man-ka-sngi wei da suba ko wa da em leh kiwi kiwa emkit ha ini i kaam.

Heiyatoh wa iwa ong u SP wa da chem yei kha hei kjat u khon ko kam ka sabut wa oor u ha ka um heipor wa jia ya ka Insaphira, da ong ko wa i kha toh iwa da slem neidaw wa chah dung u ha ka kajar.

Manda kylli won yei parom wa khana u khon ko yeiwa em kawi ka kari Scorpio rong yong ha katu ka sngi, da ong ko wa ym ye u tip lada iwa em sakhiat næ iwa chna donhi u khon ko.

Related posts

Da kem sa uwi heiyatoh wa i yap u bru seiñ

January 13, 2026

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Da khana ko leh wa ha katu ka sngi wa jia da wan yung u heipor kamwa phra chiteiñ hadooh khynde duna wei da wanlang u wa ka bei yong katu ka khynnah.

Kamtæ da ong ko wym sñiaw ye ngait wa u khon ko u lai yah u ya ka Insaphira cha katu ka thaw hadooh wow yap ko.