U Symbood Montri Rangbah ka jylla, u Prestone Tynsong da ong u wa ka sorkar da phah ko wow paitbniah ya ka yingkieñ Umiam (Dam) wa ym em ki kari wa khia palat 20 Ton kiwa lai luti heijooh i por iwa da wanrah yei maa ya ka yingkieñ.
Da khana u wa neiliang ka chnat Transport da booh ko ar ngut ki bru deilang wa ki pulit yow pyntikna wym em ki kari kiwa khia kiwa lai lyngba katai ka yingkieñ wei lada jia wa chem ya ki kari wa kit palat pood daw pynchitom ya ki deiwa eh.
Hawa kylli hajrong i yoh lai laitlan da ki bru wa kam kam ki ‘High Level’, da ong u wa ym sñiawthooh iyi mut kitæ ki ‘High Level’, tangwa toh u pyntip deilang wa ki pyrtuid yong kitæ kiwa leh pyrchah ya ka aiñ, wei ym toh du wow pynbaad.
Da ong u leh wa hawa pynbaad toh u em leh ki sakhi satar.
