Ka chnat Health & Family Welfare ka jylla Assam ha ka pynbna paidbah wa da pynmih ynne ka sngi heiyatoh wa ki bru wa wan chapoh ka jylla lyngba ki Airport, ki Railway Station wa na ki sarok, da ong wa neidaw wa i poor u khñiang khlam COVID-19 da duna i hapoh ka jylla kamjooh kiwa da yoh tika la arsien leh da boon bha ki hapoh ka ri, kamtæ da chim ya ka rai wow pynkylla ya hukum wa da pynmih ha ka 13-04-21 wei wow pyndam leh ya kawa da pynmih ha ka 15-07-21.
Kamtæ nadooh myntu ki bru kiwa wan chapoh ka jylla kiwa da dep yoh ya waroh arsien i tika yada COVID-19 wei kiwa em leh ya kani ka Certificate, manda pynyoo ki ya kani ha ki thaw wow sylli namo wa leh Screening da ki bor sorkar, daw pynlait ya ki khlem hap de wow leh ya ka Test manda poi ki ha ki Airport, ki Railway Station, ki thaw psiah chapoh ka jylla (Road Border Points) wa kiwi kiwi de.
Tangwa ya kitu won kiwa yoh tika dang chisien donhi, ki wym pu em yoh tika wa kiwa em i ya i dak i chin wa chitom wa kamjooh ya kiwa da dep yoh tika waroh arsien tangwa em ki dak ki chin wa chitom daw hap ki wow leh ya ka RT-PCR Test khlem pep manda poi ki ha ki Airport, Railway Station wa kiwi de ha Assam kawa da pynduna dor cha T. 250 chisien leh ya kani ka RT-PCR Test.
Kani ka hukum toh kawa krehkaam chisyndon.
