Ym tip uyi u tre u mooyong wa chem hajan ka Don Bosco College Byndihati

Katkam ka 20^th Interim Report wa da e da ka Single Member Committee haka 7 tarik uni u bnai wa khlieh da u Justice (Rtd) BP Katakey da pyntip wa u mooyong wa em hajan ka Don Bosco College, Byndihati, East Jaiñtia Hills District toh u wym tip uyi u tre hadien wa da dep pynman yei takit.

Katkam wa ong ka Report wa da e da u Additional Deputy Commissioner ka East Jaiñtia Hills District cha u Deputy Commissioner haka 15-12-23, uni u mooyong wa em ha chrooh wa hadien ka Don Bosco College deilang wa em ha uwi u loom toh u wym tip neiwon u tre wei da yoo leh lakam uwa dang dep tih.

Da pyntip leh wa ya uni u mooyong da kem noh oo wei da em leh ka Case wa da takit da ki pulit ka Khliehriat Police Station.

Uni u mooyong toh uwa da chem ha soo tylli ki thaw kitæ ha rood u sarok National Highway, ha uwi u loom, ha chrooh ka Don Bosco College wa hadien ka Don Bosco College uwa dapoi waroh 8,697.392 MT.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U SP ka East Jaiñtia Hills District da pyntip u haka 04-01-24 wa ka takit toh kawa dang sah wei da phah leh ya kattu katni uni u mooyong cha ka Forensic Science Laboratory wa em ha Shillong yow tip bniah.

Da pyntip leh wa da em ka hukum wa da e da u Special Judge, MMDR Act, Khliehriat uwa da phah kit ya uni u mooyong cha iwi won i thaw wa biang.

Heiyatoh won waka Weigh Bridge kawa dang chna kawa em hajan kani ka thaw wa chem ya uni u mooyong hajan ka Don Bosco College, da phah ya u tre wow tympra ka wei lada ym leh u yeini, daw tympra ka da ki bor District wei da phah leh ya u DC wow e u yaka Report iyi wa da leh heiyatoh wa ini.