Ym tipmit de ka KHADC ya ka NOC wa e du da u Rangbah Shnong

Shillong: U Executive Member ka chnat khayi ha KHADC, u Paul Lyngdoh da ong u wa ka District Council daw pynbait lut ko ya i duna hawa pynkrehkaam ya ka Trading by Non Tribal Regulation Act 1954 neibhah ha kani ka aiñ da pynkrehkaam, tangwa dang boon i pai ha i kaam wym biang i rukom krehkaam yong ka.

Ynne ka sngi u Paul da khut yalang u ya kiwa kreh ka chnat wow bichaar bniah hajrong i e Trading Licence ya ki baar jylla.

U Paul da ong u wa em ki kyndon ha kani ka aiñ kiwa ka Council haap pait bniah bha ko, khamtam hadien wa da chem wa kiwa pynlai chnong ym jooh puræ ki ya kani ka aiñ wei da ebor bait namo da e NOC bait ya ki baar jylla wow khayi ki.

Da pyntip u wa ka KHADC da rai ko wow phah ya waroh ki dorbar chnong wa toh u pyntikna chwa wow e NOC lada u bru man sakhiat u uwa chong chnong wa pura. Heijooh i por u Paul da ong u wa ka Council ym tipmit de ko ya ka NOC wa da e du da u rangbah shnong, tangwa emkaam leh wow yoh yei mynjur na ka dorbar chnong wei i soi pyrtuid leh toh u em i wa ka chaap (Letter Head) yong ka chnong chirup wa ki kot na ki pulit.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Heijooh i por da ong u wa ki baar jylla kiwa kamai kari hapoh u pood u ang ka Council leh toh u yoh ki ya ka Trading Licence ki na ka KHADC chwa wow yoh ki wow yoh ki ya ka Permit na ka Road & Transport Authority (RTA).

Da ong u wa i tkoh wow bichaar næ pait ya ki baar jylla kiwa kamai kari da ka KHADC toh neidaw wa da e chwa ya ka Permit wow e Licence khayi, wei wa ki bru ka KHADC leh toh u emlang ki ha ka chnat RTA.

U Paul da ong u wa ini i thmu yong ka KHADC ymtoh neibynta wow pynmih poisa ya ka Council, tangwa wow khoom wow kdoh yei wan knieh khih ya ki tre jylla.