Wow pynehrngu ya kawi na ki chnong wa em hapoh Ri-loom Khasi kawa jooh tip kam ka Ichamati kawa man ka ktien na baar ka wym haap dur wa i rukom pyrkhat ki Khasi kamtæ ka KSU ha ka 25 Tarik da pynbna ko wa i pyrtuid Ichamati u tip noh ya ka kam ka chnong “Pyntha Umdan” kawa man ka ka ktien paka yong ka chnong ya kawa da dep suit dep choor da ki warim.
Ya ini i pynbna ka KSU da pynman ha ka yalang wow pynskem ya kiwa kitkaam ka KSU Pyntha Umdan da u President ka seiñ, u Lambokstarwell Marngar ha i sakhi u Ostarnic Marbañiang, Organising Secretary KSU Central Executive Council, u Pynkmenlang Sanmiet, Assistant Organising Secretary wa kiwi kiwi.
Ka seiñ kamwa angnood ko wow pynneh pynsah ya i hok ka jaitbru næ wa da booh da kiwa nachwa kamtæ ka leh kwah ko wow pynneh pynsah ya i pyrtuid ki chnong kamwa man hi nachwa.
Kamtæ ha ka yalang da rai da iwi i sur wow khut noh ya ka Ichamati da i pyrtuid paka yong ka iwa tip kam ka Pyntha Umdan.
