Ka Ministry of Health & Family Welfare (MoHFW) da thoh ko cha waroh ki jylla wow pyntikna wa ki kreh hapoh ka National TB Elimination Programme (NTEP) ha ki jylla ymtoh u sangeh ki neibynta i bha i miat ki paidbah hanlada em ka khlam u COVID-19.
Kani ka hukum kynthup ko leh wow e chibnai ki dawai cha waroh kiwa chitom TB kiwa kynthup ya kiwa dang yoh thymme wa kiwa kiwa dang em hapyrdi i chah sumaar.
Ini u man i leh ha ki thaw sumaar sorkar wa ki yong ki bru samen. Ki sorkar jylla toh u pyntikna ki wa kiwa chitom lada em ID namo khlem ID leh toh u yoh dawai ki khnang wow lait u thut næ sangeh i sumaar ya ki.
Chooh chooh kani ka hukum da ong ko leh wa ki jylla toh u pynbiang ki wow pynpoi dawai cha kini kiwa chitom ha yung ki lada jia wa ym ye ki wow wan cha ki thaw sumaar. Heiyatoh wa em ka Lockdown na u COVID-19 ka Ministry da hukum ko wow pynbiang chwa ya ki dawai wei ymtoh u em i duna yong ki.
Ka thaw wow Test ya kiwa suba wa em TB toh u man ki kiwa krehkaam pura ha ki jylla. Da kyntu leh ya kiwa chitom wow bood ki ya ki kyndon wow yada ki na u COVID-19 wei wow pteiñ ki yei chah sumaar.
I chait i khiah yong kiwa chitom wa ki wakreh ha ki thaw sumaar man i iwa kongsan tam heipor wa em ka khlam u COVID-19 wei lada kiwa kjut chem chitom ki, ye ki wow phone ha u TB Toll-free Number 1800-11-6666.
Ya kani ka hukum da booh leh ha ka website www.tbcindia.gov.in hapoh ka “News and Highlights” Section.
Discussion about this post