Ka seiñ na ri-loom Garo kawa tip kam ka A’chik Holistic Awakening Movement (AHAM) kawa kreh yow pyrchah ya ki kaam baam-tooh wei wow yada yei dustur riti ki jaitbru A’chik, da beiñ joor ki leh yei mih ki kaam kiwa da pyrchang wow pynyaphær jaitbru iwa daw e laad leh wow mih ki mynsien pyrchah ri du neidaw wa leh ki kattu katni.
Da kyrpaad ki leh na ka sorkar wow pyndooh ya kini ki kaam deiwa kynjroi nadooh na tre na thied.
Ka seiñ da yieñ ko leh wow pynneh ya ka Reservation Policy kamwa man kattæ hi kawa da yakut nadooh wa pynmih ya ka jylla neibynta ki le jaitbru ka jylla kamwa burom leh ya kiwa yahkhmat warim ka jylla kiwa da chim yeini i rai neibynta i bha i miat ka jylla.
Wei lada yakhih neibynta ini cha ki luti ki syngkieñ daw wanrah ko yei sñiaw yaphær jaitbru wei toh u lai luti katkam ka synchaar paidbah wa katkam ka riti synchaar ka ri.
Kamtæ da kyrpaad wow yakhih pyrchah yei chah leh chilliang wei ym toh yei myntoi samen tangwa neibynta kiwa dooh wa duk wa kiwa maad yei chah lehbeiñ.
Da seiñ da ong ko leh wa ka sorkar jylla ym pu em pynman ko ya ka Winter Assembly namo ka Dorbar Tlang wei wow booh Additional Secretariat ha Tura kamwa da mynjur nadooh was dang ya ka jylla iwa kattu da dap 50 snem heiwa ka sorkar toh u krehkaam ko 6 bnai na Tura wa 6 bnai na Shillong.
Ka seiñ da ong ko leh wa daw pyman ko yei yakhih wa joor neibynta ini wow yoh ya ka Winter Assembly ha Tura.
