Ym yakhun MP ka Finance Minister ka Nirmala Sitharaman neidaw wym dap poisa ko

Ka Montri ka sorkar pyrdi wa pait ya ka chnat Finance, u Nirmala Sitharaman da kyntait ko wow pdiang ya ka Ticket wa e ka Bharatiya Janata Party (BJP) wow yakhun ya ka Election Lok Sabha 2024.

Ka Sitharaman da ong ko wa u President ka BJP, u JP Nadda da tyrwa u ya ka wow yakhun na Andhra Pradesh namo na Tamil Nadu tangwa da kyntait ko yeini neidaw wa ym dap poisa ko wow yakhun ya kani ka Election.

Da ong ko leh na ki ar thaw wa da tyrwa u yaleh Election ko, daw chah kylli ko wa ka toh kayi ka jiatbru, neiwon i chong ko, kayi ka niam ko wei kini waroh ymtoh kiwa kwah ko u leh.

Da sñiawngooh ko leh wa da pdiang ka Party ya ini i daw yong ka deiwa pynrap wa ka poisa wa da yoh ko lyngba ka tulop wa kiwa da pynlang ko toh ki yong ka samen ymtoh ka poisa neibynta ka ri India.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ka Sitharaman da ong ko leh wa daw embynta hi ko ha i lai yalap Election ka BJP ha ki sngi wow wan kamjooh ha ki yalang ka Party. 

Hadooh katni ka BJP da pynlait ko 7 tylli ki thup yong ki kyrtong wow yakhun ya ka Election MP wow wan.