Ym ye de u kreh monsñiawbha kam ki ASHA neibhah wa dawa u kpoh

Ynne ka sngi heipor wa yakhih ki ASHA ha Jowai heiyatoh wow pynku ya ka nongsngi yong ki, kawi ka manbei kawa man leh ka ASHA na Laskeiñ Block, ka Theodaris Dkhar da pynsñiaw ko cha ka sorkar wa i daw wa yakhih toh wa dawa u kpoh ki.

Da ong ko wa i mih yakhih yong ki toh wa duna i su ka sorkar hanla da slem wa kreh ki.

Da e nongmuna ko yei khia i kreh neibhah manda em wa chitom kawa punkhon, ki bru wa Phone dei miet iwa da pynman ya u kurim ki ASHA wow chrai neibah wa hap mih ki tangwa kam ki ASHA hap pyndep bait ki yei kaamram yong ki.

Chooh chooh hajrong i klam ka Dr. Ampareen Lyngdoh wa ki ASHA toh kiwa kreh monsñiawbha, ka Theodaris da ong ko ha ka pyrthai wa katni ymye de wow kreh monsñiawbha neibhah ki kaam man ki kiwa khia bhai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da ong ko wa i nong wa Rs. 2,000 chi bnai iwa man du kamwa Rs. 66 chi sngi i wym yahaap de neibhah ka nong sngi wa da su ya ki kynthai da kynjoh ko Rs. 300 tam chi sngi wei kam ki ASHA ym ye de wow kreh monsñiawbha deiwa kyrpaad ya ka sorkar wow wyrai ya ki.

Heiyatoh wa i ong ka Dr. Ampareen wa ki AHSA katkam ka kyndon toh u kreh ki ar snem yow e laad ya kiwi u khih ki, da ong ko wa ki ASHA katni da kreh slem ki wei ymtip ki ya itæ i kyndon wei kammon u wan wow kreh da kiwi ki wym tip iyi iyi u smaar ya kiwa kjut.