Ym ye de u kylliang poisa, emkaam u thap noh ya kiwa rim

Jowai : Ka Finance Ministry da pyntip ko wa ka 24 tarik da man ko ka sngi wa khaddooh wa ye ki paidbah u kylliang ki ya ka poisa wa rim ki T. 500 wa T. 1000. Tangwa dang ye hi u thap ya ki cha ki Bank Account yong phi.

Da pyntip leh wa ya ka poisa T. 500 wa T. 1000 wa da dep pyndam, ye hi u pynemkaam ya ki yow thied ya ki mar wa pynemkaam man ka sngi hadooh ka 15 tarik u Kmaichonglad (December). Ye leh u pynemkaam ya ki yow su ya ki bai skur hadooh T. 2000 ya u wi/ka khynnah puræ ha waroh ki skur wa ki college.

Yow thap recharge ha ki phone pre-paid ye u su hadooh T. 500 donhi, heipor wa thied mar na ki dukan Cooperative ye u thied da ka poisa warim hadooh T.5000 chisien thied.

Dang ye leh u su ya ki bill light wa ka bill um da ka poisa wa rim ya ki bru samen wa ki manyung.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ye u su poisa ha ki Toll Gate wa em cha sarok deiwa pynemkaam da ka kot T. 500 wa rim hadooh ka 15 tarik u Kmaichonglad.

Neiliang u DC ka WJH da pyntip u leh wa ha ka 24 tarik ka district dang dep yoh poisa ko T. 26.5 Klur katwa ha ka 22 tarik won dang dep yoh ko T. 20 Klur.

Ya kani ka poisa da yabhah ya ka cha waroh ki 34 tylli ki bank wa em ha District, wei nadooh ka 25 tarik ki paidbah da ye ki leh wow sai ya ka poisa T. 500 wa thymme.

Kattæ ka poisa T. 2000 da em 40 klur, T. 500 em 5 klur wa ka poisa T. 100 em 1.5 klur.