Ym ye de wow pynheh yaka thaw hiar lieñsuiñ kawa em ha Umroi, hap thooh thaw thymme

Shillong: Ka sorkar jylla dang yang ko yei phah ka sorkar India wow thooh noh da kawi ka thaw neibynta wow yoh yaka thaw hiar lieñsuiñ kawa rap heh bar ya kawa em katni ha Umroi, Ri-Bhoi District neidaw wa em ki loom soodong kani ka thaw.

“Katkam i thooh bniah da sñiawthooh wa kani ka thaw hiar lieñgsuiñ ym ye de wow pynheh yaka chooh chooh wei wow pynheh leh man ko kawa boon i lut. Da em i e yumut wa lada i yoh i da kawi ka thaw man ko kawa bha lada duna i lut,” da ong u Montri ka chnat Transport, u Sniawbhalang Dhar hadien wa lai sylli u yakani ka thaw hiar lieñsuiñ ha Umroi.

Ynne ka sngi neiliang u Montri ka chnat Transport, u Sniawbhalang Dhar da lai sylli u ya kani ka thaw hiar lieñsiuñ ha Umroi wei da yaklam leh ya i eh wa i emkaam ha kani ka thaw hiar lieñsuiñ.

U Dhar da kyntait u wa kani ka sylli da leh hadien wa pynmih hukum ka Meghalaya High Court wow pyndep smat ya kani ka thaw hiar lieñsuiñ.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

“I phah yong ka yung bichaar toh hawa yatoh ya i chah pynjæd ya ki loom wow e laad ya ki lieñsuiñ wa wan ha kani ka thaw wei katni ya kani ka kaam leh da dep,” da ong u.

U Montri da pyntip u leh wa ha kani ka lai sylli da chem ya i duna kawa hakhmat dooh toh wa ki lieñsuiñ kiwa heh ym ye ki u hiar heini.

Da pyntip u leh wa ka sorkar pyrdi da e yumut ko wow thooh noh da kawi ka thaw yow hiar ki lieñsuiñ neidaw wa lada pynheh thymme ya kani ka thaw hiar lieñsuiñ kawa em ha Umroi daw boon palat i lut.

“Lada pynheh ya kani kawa da em katni, i lut daw poi ki da ka hajar klur tyngka, i da yoh i yei e yumut na ka sorkar pyrdi wow thooh da kawi ka thaw wa thymme kawa heh bar ya kani kawa em katni,” da ong u Dhar wei da pyntip u leh wa ya ini ka sorkar jylla dang pyrkhat ko.

Ha iwi i liang, u Sniawbhalang da pyntip u wa nadooh ka 20 tarik uni u bnai, ka lieñsuiñ yong ka Company Indigo daw sdang ko wow hær na kani ka thaw hiar lieñsuiñ wa em ha Umroi.

“Kini ki lieñsuiñ u hær ki neini cha Kolkata wei kamjooh cha Raipur. I pynsñiaw i yei kmen wa ka sorkar India da chimkhia ko wow yarap ya ki paidbah kani ka jylla,” da ong u Montri.