Ynne ka sngi ka yung kasari wa khlieh dooh hapoh ka jylla, ka Meghalaya High Court da e rai pynkut noh ko ya kawi na ki mukotduma PIL wa da ujor da uwi u muktiar na Dkhiah West, East Jaiñtia Hills, u Kerlang Ksoo heiyatoh wa i sih u sarokbah NH-6 na Shillong cha Jowai.
Ya kani ka mukotduma PIL da chong bichaar pynkut da ka Division Bench ka High Court wa kynthup ya u Chief Justice S. Banerjee wa u Justice W. Diengdoh heiwa da pdiang ya ka bui (Report) wa da e da ka sorkar jylla wa da chna pynmiat (Repair) noh ya uni u sarok.
Hajrong kani ka bui neiliang u Ksoo da boh u deiwa ong wa hanlada chna pynmiat (Repair) ya u sarok, dang em leh i bynta wa da smat sih. Kamtæ ha ka hukum da klam che wa u sarok man u u thied wa emkaam bha wow pynyabi ya ki chnong wa ki jylla wei toh i kaamram ka sorkar jylla wow chna pynmiat ya uni u sarok deiwa pyndap ya ki thlu wa kiwi kiwi kiwa pynthut yei lai i wan ki bru khelm da pynslem.
Heijooh i por ka yung bichaar da ong ko leh wa neiliang yong ka ymye ko wow booddien ya ini i kaam (wow chna pynmiat ya i bynta u sarok wa sih) tangwa ka sorkar toh u pyntikna ko wa ki sarok ymtoh u pynthut ki yei lai i wan ki bru.
Puræ leh: Hapoh ka 20 tarik u pyndep pynchna ya iwa dang sih u sarok Shillong-Jowai
