Ynne ka sngi u montri ka sorkar pyrdi wa pait ya ki kaam khynroo wa ki kaam yalehke Sports namo ka Youth Affairs and Sports, u Kiren Rijiju, da e mynsien u ya ka khloor yaphet ka ri, ka Hima Das hadien wym ye de ko wow chimbynta de ha ka Tokyo Olympics ha uni u snem.
Ka Hima Das toh ka khloor yaphet kawa 21 snem i rta na Assam kawa da rahnaam ya ka ri ha kiwa boon ki yakob kam ha ka Asian Games waka World Under 20 Championship.
Katkam ka SportStar da ong wa ka Hima da mynsoo ko hadien wa ku-ksah (Hamstring) ha ka Sngi Choh-that ka 26 tarik uni u bnai heipor wa chimbynta ko ha ka 100m ka National Inter-State Athletics Championships wei da pyrchang ko leh wow chimbynta ha ka Women’s 200m Final, heiwa da kdong ko ya ka 22.80 Second wow psiah cha ka Olympics tangwa da pyndep ko yeini ha ki 25.03 seconds.
Neiliang u Rijiju da ong u wa ka Hima wa ymtoh u dooh mynsien ko wei wow tia ko chaphrang wow pynkhreh neibynta ka Asian Games ha u 2022, ka Commonwealth Games ha u 2022 wa ka Olympics ha u 2024 ha Paris.
