Ka sorkar pyrdi ynne da pyntip ko cha ka Supreme Court ka ri India wa ym ware ko u leh iyi iyi yow khang wei wow pynlait ya ka Nimisha Priya kawa man kam ka Nurse kawa na Kerala kawa daw chah pasi noh ha ri Yemen ha ka 16 tarik uni u bnai. Da ong leh wa kattæ toh du deiwa su da ka poisa kam ka “Blood Money” tangwa neidaw wa ini toh i kaam yong ki bru samen ym ye ware wow tuklar.
U Attorney General R Venkataramani uwa yasaaid ya ka sorkar pyrdi ha Supreme Court da pyntip u wa hawa yoh yei kyrpaad wow yarap ka sorkar India da pyrchang tangwa ym ye ware u leh iyi iyi neibhah dadep wow pyrchang katwa ye.
“Ym ye ka sorkar wow leh chiboon deiwa pait leh yei long i man hapoh ka ri Yemen wei ym em leh ka laad wow yaklam, kattæ ka laad wa khaddooh toh deiwa su da ka poisa kam ka Blood Money wei ini hap yaleh da kini ki bru samen,” da ong u Venkataramani.
Kam wow pynkynmoo wa ka Nimisha Priya da chah rai pynrem ko hei pynyap ya uwi u bru wa da ya krehlang ko yow wai ya kawi ka Clinic heiwa da pynyap ko oo deiwa e dawai dep tæ ah lyngkhot yei doh i pran u yow murieh hapoh kawi ka Top.
Tangwa ini i thaw wa jia toh iwa em hei kti ki Houthi ki wym em man kam kiwa da tipmit da ka sorkar da chem chitom wow yaklam wa ki.
Da pyntip u leh wa kattæ da yaklam wa uwi u Sheikh wa em bor yow su da ka poisa tangwa kiwa ha-yung ha-sem wa chah pynyap ym bien ki.
Puræ leh: Ha ka 16 tarik u pasi ka ri Yemen ya ka Nurse na India
Discussion about this post