Heiyatoh wa i chah pynbaad wym em wa pait wa yoo yei wan psiah laitlan kiwa chalan syiar chapoh ka jylla, neiliang u Montri Rangbah, u Conrad Sangma hawa e yei jubab heiyatoh wa ini ynne hapoh ka yung dorbar da ong u wa ka chnat Animal Husbandry & Veterinary ym ye ko wow booh thaw pynsangeh kari kamjooh ki thaw Test ha waroh ki thaw psiah chapoh ka jylla tangwa em ki aiñ ka ri India wa chah wow booh ya ki Animal Shelter yow ye u Test ya ki mrad lada toh kiwa man katkam ka aiñ.
Da pyntip u wa da em i tyrwa wow booh ar tylli kini ki Animal Shelter, kawi ha Ri-Bhoi District wei kawi won ha West Garo Hills District kam wow sdang.
Da khana u leh wa da em i tyrwa wow e Subsidy neibynta ki baam mrad yow yarap ya kitu kiwa psan mrad. Tangwa ka sorkar ka thong ko toh wow pynkhlan yei pynmih ya ki baam mrad.
Da ong u leh wa dang emkaam wow pynbha pynmiat ya ki thaw sumaar mrad kamjooh u pynboon ki dawai deilang ki bru wa kreh.
Heiyatoh wa ki kjut sniang, da ong u wa ka sorkar u pyntikna ko yow ye u yaleh yow lait joor i chah ktah.
Discussion about this post