Ka mukotduma PIL wa da yaleh da u Kynjaimon Amse pyrchah ya ka National Highway Authority of India (NHAI) heiyatoh wa u sarok National Highway-06 nadooh na Thadlaskein chadooh Ratacherra da chong bichaar biang ya ka ha ka 5 tarik uni u bnai da ka Meghalaya High Court.
Neiliang ka sorkar da pyntip ko wa 75% u sarok Jowai Bypass nadooh na Thadlaskein hadooh ha Mihmyntdu da dep chna wei iwa dang sah i kreh dang lai i chakhmat.
Neiliang uwa yaleh mukotduma ym em kyntait u yeini tangwa da ong u wa kani ka PIL toh neibynta waroh uwi u sarok National Highway hadooh wa poi cha Ratacherra iwa mut da chna du 8 Km donhi uni u sarok wei da pynyoo leh yei dur wa dang sih hi u sarok ha Lumshnong wa kiwi de ki thaw wei kini ki dur toh kiwa da chon ha ka 1 tarik uni u bnai.
Kamtæ ka yung bichaar da ong ko wa ymye u pdiang yeini hawa kattu da toh i por slap kattæ leh dang em ki thaw ki wym pu em dep pynchna neibhah kani ka luti man ko kawa emkaam ya kiwi leh kiwa lai luti napoh ka jylla hanla ka NHAI da ong ko wa da pynchna ya uni u sarok ini wa dep wot.
Neidaw wa ka NHAI da paan por ko wow jubab, kamtæ da e por chitayaaw wow leh yeini wei da yooluti ka yung bichaar wa u sarok nadooh na Jowai Bypass hadooh wa poi Ratacherra toh u man u ‘Tip-Top’ ha kini ki ar tayaaw.
Ya kani ka mukotduma daw chong bichaar biang ha ka 13-06-23.
