Ka sorkar Meghalaya da rai ko wow pyndam yei thmu wow chna ya ki sarok wa tip kam ki Smart Road hapoh ka sor Shillong kam chibynta ka Smart City neidaw wym yoh thaw wow chna ya kini ki sarok.
Yeini da pyntip da u Symbood Montri Rangbah, uwa man leh kam u Montri ka chnat Urban Affairs, u Sniawbhalang Dhar ynnin ka sngi heiwa da khana u wa em leh ki kaam wa da sdang kiwa da sah khlem pyndep kam ha Lachumiere kawa man kam kawi na ki 17 tylli ki thaw wa da jied ha Shillong yow chna ya ki Smart Road.
U Sniawbhalang da khana u wa kamwa 4% i kreh ha Lachumiere haap ko hapoh ka 1st Phase tangwa ka sorkar kattu u kheiñ noh ko deiwi yei lut i sep hapoh ka State Plan deiwa siang psiang deiwi ya ki sarok wa heh hapoh Shillong yow miat dur ki kam ki Smart Road.
I daw wym ye u chna ya ki Smart Road toh neidaw wa khynnia wei ym yoh thaw wow pynheh ya ki sarok iwa man i daw wa hap wow pyndam, kamtæ da ong u wa bar yow pynsep-ai ya ka poisa dang bha wow siang psiang thymme ya ki sarok deiwa miat bha yow mandur ki kam ki Smart Road.
Da pynche u leh wa i kreh wa dadep leh ymtoh iwa da pynlut chiboon wei da ong u leh kam ini wa jia ha Shillong da maad ha kiwi ki sor.
Da pyntip u leh wa em kiwi de ki kreh hapoh ka Shillong Smart City kiwa dang lai chakhmat wei daw wai ki ha u Naisaphra wa Naikhynde uni u snem.
Kiwa da jan dep kreh toh ka yaaw ha Polo wa Laitumkhrah deilang waka Integrated Command Control Centre.
Ki kreh wa dang lai chakhmat toh 12 tylli ki thaw pynyieñ kari wei da kyntu u leh ya ki seiñbhalang wym toh u pynthut ki ya kini ki kreh.
Discussion about this post