U Chief Executive Member ka Khasi Hills Autonomous District Council, u Pynïaid Sing Syiem da ong u wa ki chnong ym embor palat ki wow pynrkhiñ yei chongkha khleh, tangwa du da ka Clan Bill wa ka Lineage Act.
Da ong u wa emkaam wow pynrkhiñ yei chongkha khleh wei wow pynneh pynsah ya ka jaitbru wei pynrap u wa ka KHADC daw wanrah ko leh ya ki kyndon, ym wow pyrchah ya kiwa chongkha khleh, tangwa ki kyndon u man ki wow pynskem ya ki riti ki dustur, iwa mut wa kitu kiwa chongkha wa kiwi won ki jaitbru toh u sñiawthooh ki wym yoh de ki yei myntoi kam ki Khasi.
Hawa yatoh wa i pynkylla jait yong ki bru wa na baar cha ka kur ka jait Khasi, da ong u man ko pyrchah ya ka Khasi Hills Autonomous District Khasi Social Custom of Lineage Act, 1997.
Da ong u hajrong ini i leh wa i yoh chim jait Khasi da ki bru wa na baar, ka Council daw pyntip ko cha ki bor District wei kamjooh daw pynmih yei pynbna ha ki laad pathai khubor wow pyrkhiñ ya ini i rukom chim jait lyngba ka Affidavit. Da ong u wa lada toh u chim jait u man ko katkam ka Khasi Social Custom of Lineage Act, 1997.
Hawa yatoh wa i e kti ya ki Schedule Tribe Certificate, da ong u wa neiliang ka KHADC da dep ko wow yaklam wa u Montri Rangbah wei kamjooh wa u Symbood Montri Rangbah wa pait ya ka District Council Affairs kiwa da pynsñiaw yei sñiaw biang wow phah noh ya ini i kaam cha ka Council.
Discussion about this post