Uwa e ktien ka sorkar MDA-II, u Paul Lyngdoh da ong ko wa ym em iyi iyi iwa phær lada u Lat ka jylla klam u dei ktien Hindi haka sngi sdang yong ka Dorbar Mang Tangka, neibhah ya waroh iwa klam da dep pynkylla chei ktien English kawa da e cha waroh ki dkhot ka yung dorbar.
Da ong u wa ha Parliament leh da klam da ki ktien wa da tipmit hapoh ka 8th Schedule, heiwa uwa klam da klam u da i ktien wa tip u wei kiwa ap leh ye u wow jied da kawon ka ktien wa sñiawthooh bha ki. U Paul da ong u wa ym du dei ktien English wow yatai hapoh ka yung dorbar tangwa da pynchlur leh sa ya ar tylli ki ktien yong ka jylla itæ i ktien Khasi wa Garo yow yatai hapoh ka yung dorbar.
Kam wow pynkynmoo wa ka VPP da maham ko wym chimbynta hei klam sdang u Lat hapoh ka dorbar lada klam u dei ktien Hindi.
Ka ktien Hindi waka English toh ki ktien kiwa pynemkam salonsar hapoh ka ri India wei toh ka hok yong kiwa chong chnong ka ri wow jied katkam i mon wow klam napyrdi kini ki ktien wei ym em uwon uwon wa ye u khang.
Tangwa kam wow pynkynmoo wa ha ka Dorbar Mang Tangka yong u snem 2023, ka yung dorbar chna aiñ da sakhi ko yei pyrchah wei i kbai da ki MLA ka VPP heipor wa klam u Lat ka jylla, u Phagu Chauhan dei ktien Hindi.
Hadien ini da pynche wa waroh iwa klam u Lat da dep thoh dei ktien English wei da booh hakhmat waroh ki MLA.
Discussion about this post